- नेपाल बक्सिङ महासंघद्वारा आयोजित राष्ट्रिय प्रतियोगितामा ११ स्वर्णसहित त्रिभुवन आर्मी क्लब पुरुष र महिला दुवैतर्फ समग्र च्याम्पियन बनेको छ।
- प्रतियोगितामा बागमती प्रदेश दोस्रो र नेपाल पुलिस क्लब तेस्रो स्थान हासिल गर्न सफल भएका छन्।
- आर्मीका प्रेम चौधरी, पुनम रावल र निरु गुरुङ लगायतका खेलाडीहरूले आ-आफ्नो तौल समूहमा स्वर्ण पदक जिते।
- विभागीय र प्रदेश टोलीहरूको उत्साहजनक सहभागिताले नेपाली बक्सिङको प्रतिस्पर्धात्मक स्तर थप उकासिएको महासंघले जनाएको छ।
काठमाडौं । नेपाल बक्सिङ महासंघद्वारा आयोजित ३०औँ पुरुष तथा ११औँ महिला राष्ट्रिय बक्सिङ प्रतियोगिता आइतबार सम्पन्न भएको छ। प्रतियोगितामा विभागीय टोली त्रिभुवन आर्मी क्लब (टिएसी) ले पुरुष र महिला दुवैतर्फ उत्कृष्ट प्रदर्शन गर्दै समग्रतर्फ शीर्ष स्थान हासिल गरेको छ।
प्रतियोगितामा आर्मीले पुरुषतर्फ ६ स्वर्ण, ६ रजत र ५ कांस्य तथा महिलातर्फ ५ स्वर्ण, ५ रजत र १ कांस्य गरी कुल ११ स्वर्ण, ११ रजत र ६ कांस्य पदक जित्दै समग्र च्याम्पियन बन्न सफल भयो। बागमती प्रदेश २ स्वर्ण, ८ रजत र १२ कांस्यसहित दोस्रो तथा नेपाल पुलिस क्लब २ स्वर्ण, २ रजत र २ कांस्यसहित तेस्रो स्थानमा रह्यो।
महिलातर्फ ५१ केजीमा आरती भोम्जन, ५४ केजीमा वर्षा श्रेष्ठ, ६० केजीमा पुनम रावल, ६५ केजीमा चन्द्रकला थापा र ७५ केजीमा निरु गुरुङले स्वर्ण पदक जिते।
पुरुषतर्फ ५५ केजीमा प्रेम चौधरी, ६० केजीमा नितेश नेपाली, ७० केजीमा गेश कुमार श्रेष्ठ, ८० केजीमा दीपक श्रेष्ठ, ९० केजीमा मदन कार्की तथा ९० प्लस केजीमा गणेश प्रधान स्वर्ण पदक विजेता बने।
फाइनलका अधिकांश खेलमा आर्मीका खेलाडीहरूले एकतर्फी प्रदर्शन गरेका थिए। महिलातर्फका चार तथा पुरुषतर्फका चार फाइनल खेल ५–० अंकले जितिएका थिए भने ९० केजी र ९० प्लस केजीका प्रतिस्पर्धा ३–२ को प्रतिस्पर्धात्मक नतिजामा टुंगिएका थिए।
नेपाल बक्सिङ महासंघले प्रतियोगितामा देशभरका प्रदेश तथा विभागीय टोलीका खेलाडीहरूको सहभागिताले नेपाली बक्सिङको प्रतिस्पर्धात्मक स्तर थप उकासिएको जनाएको छ।
प्रतियोगितामा आर्मीले पुरुषतर्फ ६ स्वर्ण, ६ रजत र ५ कांस्य तथा महिलातर्फ ५ स्वर्ण, ५ रजत र १ कांस्य गरी कुल ११ स्वर्ण, ११ रजत र ६ कांस्य पदक जित्दै समग्र च्याम्पियन बन्न सफल भयो। बागमती प्रदेश २ स्वर्ण, ८ रजत र १२ कांस्यसहित दोस्रो तथा नेपाल पुलिस क्लब २ स्वर्ण, २ रजत र २ कांस्यसहित तेस्रो स्थानमा रह्यो।
महिलातर्फ ५१ केजीमा आरती भोम्जन, ५४ केजीमा वर्षा श्रेष्ठ, ६० केजीमा पुनम रावल, ६५ केजीमा चन्द्रकला थापा र ७५ केजीमा निरु गुरुङले स्वर्ण पदक जिते।
पुरुषतर्फ ५५ केजीमा प्रेम चौधरी, ६० केजीमा नितेश नेपाली, ७० केजीमा गेश कुमार श्रेष्ठ, ८० केजीमा दीपक श्रेष्ठ, ९० केजीमा मदन कार्की तथा ९० प्लस केजीमा गणेश प्रधान स्वर्ण पदक विजेता बने।
फाइनलका अधिकांश खेलमा आर्मीका खेलाडीहरूले एकतर्फी प्रदर्शन गरेका थिए। महिलातर्फका चार तथा पुरुषतर्फका चार फाइनल खेल ५–० अंकले जितिएका थिए भने ९० केजी र ९० प्लस केजीका प्रतिस्पर्धा ३–२ को प्रतिस्पर्धात्मक नतिजामा टुंगिएका थिए।
नेपाल बक्सिङ महासंघले प्रतियोगितामा देशभरका प्रदेश तथा विभागीय टोलीका खेलाडीहरूको सहभागिताले नेपाली बक्सिङको प्रतिस्पर्धात्मक स्तर थप उकासिएको जनाएको छ।
