- नेपाली कांग्रेसको १५औँ महाधिवेशनमा कुल ७,२५५ प्रतिनिधिमध्ये ७,०३९ जनाले मतदान गरेका छन्।
- सभापति पदका लागि गगन थापा र श्यामकृष्ण खड्गीबीच प्रतिस्पर्धा भएको छ भने मतगणना शनिबार सुरु हुनेछ।
- निर्वाचन समितिले मतगणनालाई पारदर्शी बनाउन सीसी क्यामेराको व्यवस्था गर्दै सभापतिको नतिजापछि अन्य पदको गणना गर्नेछ।
काठमाडौं । नेपाली कांग्रेसको १५औँ महाधिवेशनअन्तर्गत शुक्रबार भएको निर्वाचनमा ७ हजार ३९ मत खसेको छ। बिहान सुरु भएको मतदान राति १० बजे सकिएको हो।
निर्वाचन समितिका अनुसार महाधिवेशनमा सहभागी ७ हजार २५५ प्रतिनिधिमध्ये ७ हजार ३९ जनाले मतदान गरेका छन्। मतदानका लागि पटक–पटक समय थप्नुपरेपछि प्रक्रिया राति अबेरसम्म चलेको थियो।
मतदान सकिएसँगै मतगणनाको तयारी थालिएको छ। निर्वाचन समितिले सभापति पदको मतगणना शनिबार गर्ने जनाएको छ। सभापतिको मतगणना राष्ट्रिय सभागृहमा हुनेछ।
सभापति पदमा वर्तमान सभापति गगन थापा र श्यामकृष्ण खड्गी प्रतिस्पर्धामा छन्। उनीहरूमध्ये एक जना पार्टीको सभापति बन्नेछन्।
निर्वाचन समितिका अनुसार सभापति पदको मतगणना सकिएपछि मात्रै अन्य पदाधिकारी र केन्द्रीय सदस्यको मतगणना सुरु हुनेछ।
मतगणनाका लागि तीन स्थानमा व्यवस्था मिलाइएको छ। मतगणना स्थलमा सीसी क्यामेरा जडान गर्ने काम पनि भइरहेको छ।
निर्वाचन समितिले मतगणनालाई व्यवस्थित र पारदर्शी बनाउन सीसी क्यामेराबाट निगरानी गर्ने व्यवस्था मिलाउन लागेको जनाएको छ।
महाधिवेशनबाट पार्टीका नयाँ पदाधिकारी र केन्द्रीय सदस्य चयन हुनेछन्। मतगणना सुरु भएपछि सभापति पदको नतिजालाई विशेष चासोका साथ हेरिएको छ।
